Денес на плажата „Риксос Либертас“ во Дубровник е кренато црвено знаме, а со тоа се забранува капење во морето.

Туристите за оваа плажа се жалеле дека водата е премногу загадена и се шири одвратен мирис од водата.

Како што известува порталот „dubrovnik.net“ ова што се случува на оваа плажа не е прв пат да се крене црвено знаме во текот на туристичката сезона.

За сега повеќе детали за овој случај сѐ уште не се откриваат, но се шпекулира дека загадувањето е последица на сѐ поголемиот број на градби во околината на Јадранот.

Дубровник е град во јужниот дел на Хрватска, кој излегува на Јадранско Море, во регионот на Далмација. Дубровник е една од најпознатите туристички дестинации во Средоземно Море, пристаниште и седиште на Дубровничко-неретванската жупанија.

Според податоците од пописот во 2011 година, Дубровник имал 42.615 жители. Во 1979 година, градот Дубровник бил вклучен во списокот на светско наследство на УНЕСКО.