На хрватското крајбрежје, црвен метеоролошки аларм е на сила поради силното невреме, а пред се погодени се западниот брег на Истра, Кварнер и Кварнерниќ, како и северна, централна и јужна Далмација.

Фериботи и бродови линии што го поврзуваат Сплит со островите, се уште се во прекин и денеска, јавија хрватски медиуми.

Во прекин се и некои линии што ги поврзуваат Ријека, Задар и Дубровник со островите. Загрепскиот и Карловачкиот регион се под предупредување – жолто, заради поројните врнежи од дожд.

Зголемените налети на ветерот во средината Јадранот и во саботата навечер создаваа повеќе метарски бранови, така што сите линии на катамараните кои го поврзуваат Сплит со островите сè уште се во прекин.

Ветерот достигнува брзина и до 80 километри на час во централниот јадрански регион, а во попладневните часови не пловеше линијата Сучурај – Дрвеник – вели Јелена Ивулиќ од агенцијата „Јадролинија“.

Таа рече дека поради зголемените налети на ветерот, траектот на линијата Трогир – Дрвеник Мали – Дрвеник Вели, дури и не испловил.

Поради обилните врнежи од дожд кои го зафатија Загреб во текот на поголемиот дел од седмицата, се зголеми водостојот на реката Сава.