Националното координативно тело за заразни болести во Црна Гора од вечерва ќе започне со објавување на идентитетот на лицата во самоизолација, објави Владата на Црна Гора.
„Нека знае секој граѓанин кој неговите соседи и сограѓани го става во опасност“, истакна Координативното тело.
Објаснето е дека трагичните искуства ширум светот покажуваат дека коронавирусите најмногу страдаат и умираат од недостаток на дисциплина.
„Затоа никој нема право да ги загрози вас и вашите најблиски заради нивната недисциплина. Задача е сите да бидат дисциплинирани и да ги повикуваат, охрабруваат и предупредуваат другите“, велат од Координативното тело.
Италија денеска го забележа најголемиот број смртни случаи од коронавирусот во само еден ден. Италијанските власти соопштија дека од вирусот во последните 24 часа починале 793 лица а регистрирани биле и 6.557 нови заболени.
Со денешните податоци вкупниот број на заболени во Италија се искачи на 53.578 лица а бројот на починати на 4.825.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.