Големи попусти утре ширум светот, овој тренд го следи и Македонија, но прашањето веднаш се поставува колку е реален овој попуст во нашата земја.

Познатата изрека „додека има залихи“ предизвикува психолошки притисок кај потрошувачите. Впечатокот дека е нешто ограничено и дека времето истекува, потсвесно создава паника. Продавачите често тоа го прават со непотребните предмети, кои секојдневно најмалку им се трошат, користејќи поволни понуди, кои најчесто се илузија.

Насекаде има реклами дека прозиводите се на голем попуст дури до 70/ 80 посто. Но кога ќе влезете во продавниците се уверувате во суровната вистина дека може да се најдат производи со многу мал попуст. Што секаде во светото, не е така, таму се почитува реалниот попуст.

Но повеќе граѓаните не се наивни и не веруваат многу во овие попусти.

Велат дека трговците најпопуларниот ден за шопинг во светот, го користат како маркетиншки трик за да продадат повеќе производи. На овој ден најмногу се купува облека.

Од друга страна од малопродажните ланци за бела техника тврдат дека има големи намалувања на цените на дел од производите. Задоволни се од посетеноста на денешниот ден.

Иако за граѓаните попустите се нерални, од нив досега никој не се пожалил до Организацијата за заштита на потрошувачи. Но дали има манипулација со цените или не, не може да се докаже затоа што Пазарниот инспекторат подолг временски период нема директор, а на терен скоро и да нема контроли.