СВЕТСКИ МАКЕДОНСКИ КОНГРЕС!

ЧЕСТИТ 23 ОКТОМВРИ – ДЕНОТ НА МАКЕДОНСКАТА РЕВОЛУЦИОНЕРНА БОРБА!

23 октомври 2020 година, Скопје, Македонија – Светскиот Македонски Конгрес (СМК) упатува искрени честитки до Македонците, по род и државјанство, од сите делови на Македонија, во светот и во Републиката, по повод државниот празник 23 октомври – Денот на македонската револуционерна борба!

На денешен ден 1893 година, во куќата на Иван Хаџи Николов во македонскиот град Солун, Македонците д-р Христо Татарчев, Даме Груев, Петар Поп Aрсов, Иван Хаџи Николов, Антон Димитров и Христо Батанџиев ја формирале Македонската револуционерна организација (В)МРО, како почеток на македонското револуционерно движење за ослободување и возобновување на државноста на Македонија.

Илинденското востание со Македонската Република во Крушево од 2 август 1903 година, преку Народно-ослободителната и антифашистичката борба на Mакедонскиот народ во Втората светска војна со АСНОМ од 2 август 1944 година во македонскиот манастир “Свети отец Прохор Пчињски“, референдумот од 8 септември 1991 година кога Македонците по род и државјанство, 80% од вкупниот број запишани избирачи гласаа “За суверена и самостојна држава Македонија“, без додавки и без придавки, и референдумот од 30 септември 2018 година кога две третини од вкупниот број запишани избирачи не гласаа за членство на Македонија во ЕУ и НАТО и Спогодбата Димитров-Коѕиас од 17 јуни 2018 година, претставуваат континуитет на македонската многувековна борба за слободна и обединета Македонска држава!

Во името на сите знајни и незнајни јунаци и борци за слободата и обединувањето на Македонија, СМК бара прогласување ништовност на Спогодбата Димитров-Коѕиас и продолжување на членството во Обединетите Нации и во сите меѓународни организации под државното име Македонија, со можност за употреба на уставната додавка “Република“ како јасна разлика од истоимената северна провинција во Грција и југо-западна провинција во Бугарија, без латинична транскрипција на Македонскиот јазик (Republika Makedonija) туку на англиски јазик “Republic of Macedonia“, со меѓународниот код МК односно МКД и нотификација на Македонскиот народ и Македонскиот јазик на англиски јазик Macedonian people и Macedonian language и покрај историските хипотеки – окупацијата врз Македонија и геноцидот врз Македонскиот народ од Балканските војни 1912-1913 година кој трае до денес.

Македонците по род и државјанство, од сите делови на Македонија, во светот во и Републиката, го отфрлаат пристапувањето на Македонија во сојуз со Европската унија и НАТО Алијансата, поради антимакедонизмот на Грција и Бугарија, грчкиот и бугарскиот геноцид врз Македонскиот народ, наци-фашистичкото барање на Грција за промена на името на државата Македонија и наци-фашистичкото барање на Бугарија за промена на името, јазикот, културата и историјата на Македонскиот народ, како вредност за солидарност на Брисел и Стразбур со Атина и Софија.

ЕУ и НАТО не се достојни за промена на името на државата Македонија и идентитетот на Македонскиот народ!

Македонија вечна од исконот до бескрајот! Никогаш северна, само Македонија!