Како што дознава Алсат, Основниот суд во Кичево донесе пресуда – условна казна затвор од една година, ако во наредните две години не стори ново кривично дело, за кичевчанецот Шеќерим Ахмеди, познат како Ел Чека.

Веста ја потврди и неговиот адвокат, Бесник Асани.

Во пресудата пишува дека Ел Чека од 29 до 31 мај 2019 година, на социјалната мрежа ФБ, објавил повеќе тонски снимени прислушувани телефонски разговори, со што им овозможил на корисниците на социјалната мрежа и други неповикани лица да се запознаат со содржината на ваквите разговори. Адвокатот Асани вели дека не се задоволни ниту од пресудата ниту од текот на постапката.

„Mислиме дека се направени многубројни суштински повреди на постапката, според кривичниот законик.Една од тие е што во ова дело не постои оштетена страна, кој е битниот и главен елемент во кривичната постапка.Ова го знае и еден студент од прва година на Правен фукултет, дека ако не постои оштетена странка, неможе да постои и кривично дело“, рече Бесник Асани-адвокат на Ел Чека.

Асани вели дека ќе ја обжали пресудата пред Апелациониот суд во Гостивар.

Ел Чека постојано објавуваше видеа од разговори за за кои тврди дека се меѓу функционери на ДУИ и ВМРО-ДПМНЕ. Дел од разговорите се нови а дел како оној за „Сопот“ мегу Јанкуловска и Мијалков јавноста можеше да ги слушне уште кога СДСМ ги објавуваше бомбите. „Ел чека“ не го крие идентитетот, напротив испраќа пораки до функционерите од ДУИ меѓу кои и Али Ахмети, Муса Џафери и Бекир Асани дека ќе продолжи со објавување на снимки а ќе ги испрати и до ЦИА и Американската амбасада во Скопје. Или ќе бидат затворени криминалците или Заев ќе падне, пишува објавувачот на бомбите.

Материјалите ми се од Сами Укшини (командант Соколи), Ваљон Зека и Шек Халачи кои се во затворите на Македонија. Во случај мене да ми се случи нешто, одговорноста ќе биде нивна. Чекавме четири години за да има правда. Поседуваме многу видеа и нема да престанеме се дури нема истрага од меѓународната заедница, вели „Ел Чека“.

Дека овие тројца обвинети во „Диво Насеље“, кои добија од 40 години затвор до доживотна робија, стојат зад објавувањето на бомбите потврдува и адвокатот Насер Рауфи. Адвокатот вели лично разговарал со неговиот клиент Шех Калачи, кој од затворот во Шутка го замолил во нивно име да соопшти дека тие тројца ја преземаат одговорноста за објавувањето на бомбите а дека „Ел Чека“ само ги објавувал во нивно име.