Чудо се случи во храмот на Преображение во Лјубовија минатата недела. Три икони од иконостасот мироточеа за време на Светата литургија, на која присуствуваа само свештенството, во согласност со забраната за собирање.

Иконите на Господ Исус Христос, Блажена Дева Марија и Светиот архангел Михаил мироточат неколку дена, на радост на тамошните верници.
Свештеникот Анчелко Ковачевиќ, кој служи во овој храм, раскажа што се случило.

– Некаде пред крајот на Светата Литургија, погледнав во иконата на Господ Исус Христос, а потоа забележав дека на дното на иконостасот има масло. Првата мисла ми беше дека се истурило масло. 

Меѓутоа, друг свештеник и црковник наскоро сватија дека тоа не е обично масло.

– Кога го избришавме маслото, исчезна и бојата од иконата. Мирисот беше убав. Тоа потсетуваше на мирот. Тогаш забележавме дека истата течност се појави под иконата на блажената Дева Марија, како и на Светиот Архангел Михаил – рече тој.

Три дена подоцна, истото се случи и за време на бдеењето и повторно пријатен мирис се ширеше низ црквата.

Јас навистина мислам и верувам дека во овие тешки денови Господ ни испраќа знак дека не нè заборавил – рече свештеникот.

Веста за овој феномен се рашири многу брзо кај христијаните во Србија, кои, како што велат, откриле утеха во моментите кога не им било дозволено да присуствуваат на литургијата во храмот три недели, заради забраната за собирање.