Денес околу 11.30 часот пријавено е дека на стара платформа до Полициската станица на Г.П. „Меѓународен Аеродром Скопје“ од кога наполнил гориво хеликоптер на МВР M 17 се превртел.

Во него биле пет лица, а кај едно лице се утврдени лесни телесни повреди.

Согласно годишниот план за редовни активности, припадниците на МВР извршувале тренажен лет.

Министерството за внатрешни работи, согласно Законот за воздухопловство ќе ги преземе сите неопходни мерки, а во соработка со Агенција за цивилна и воздушна пловидба ќе се формира комисија која ќе треба во целост да ги утврди фактите и околностите под кои се случил настанот.

Жалам за незгодата, но позитивна вест е фактот дека во истата нема жртви или повредени со потешки повреди, напиша на социјалните мрежи министерот Чулев.

Утринава на Скопскиот аеродром се случил инцидент при слетување на полициски хеликоптер. Во инцидентот нема сериозно повредени повредени.