Во ексклузивно интервју за магазин.мк Шведската учителка Susanne Åkerman, открива многу убави работи за Република Македонија и зошто се одлучила повеќе пати да ја посети нашата земја.
Инспирирана од прекрасната земја, добриот народ, културата и македонската музика и традиција шведската учителка Susanne Åkerman, во специјално интервју за Магазин.мк открива неколку интересни работи за Македонија и што тоа ја наведе пак да се врати во нашата убава земја.
Таа откри исто така дека нејзините ученици често се информираат од нашиот портал, и кажа дека вестите од нашиот сајт се популарни и читани помеѓу нашите иселеници во Шведска.
1. Зошто одлучивте да ја посетите Македонија?
Јас работам во Шведска како учителка на луѓе кои го изучуваат Шведскиот јазик. Имав голема привилегија и задоволство да запознам луѓе кои доаѓаат од вашата прекрасна земја Македонија. Имав ученици од Скопје, Охрид и Кичево како и од други градови од Македонија. Повеќе пати имавме презентации за своите земји, а учениците од Македонија ја претставуваа својата земја на најдобар можен начин. Пишуваа за вашата историја, храната, виното, културата, црквите, манастирите и се разбира вашата традиционална музика. Сето тоа мене ме направи и мотивира да дознам уште повеќе за вашата земја и да се сретнам со импулсот што го нуди Македонија.
2. Што мислите за народот во Македонија ?
Народот е многу прекрасен и дружељубив. Да бидам искрена таков народ весел и позитивен немам сретнато, со оглед на тоа што обожавам да патувам многу вие сте најпрекрасните и најискрени луѓе кои ги имам сретнато.
3. Дали мислите дека Македонија е убава земја ?
За мене Македонија е прекрасна земја со многу убави природи, езера и прекрасни планини. Природата многу ме инспирира и ме воодушеви. Навистина оваа убава земја има да понуди многу на туристите.
4. Каква храна пробавте и што мислите за Македонското јадење ?
Јас сум многу голем љубител на храна и добро вино. Во Македонија ме воодушевија многу традиционални јадења кои речиси секој ден ги консумирав во голема количина хе хе… Најмногу ја сакав шопската салата, тавче на гравче, пита со месо и се разбира најомилена ми беше Охридската риба. Можам да кажам дека во Охрид се наоѓаат најголемите кувари за спремање на риба.
5.Кој град ви е омилен во Македонија ?
Јас посетив скоро поголем дел од Македонија и Македонските градови. Воодушевена сум за се што видов во таа прекрасна земја. Да бидам искрена Охрид е мојот најомилен град во Македонија а можам да кажам и во Европа. Ноќите во Охрид беа прекрасни исполнети со романтична атмосфера, добра музика и вино. Се чувствував исполнета и во душата и во телото. Преубавото Охридско езеро ме фасцинира толку многу, што размислувам од кога ќе ја земам мојата пензија во Шведска да се преселам во овој преубав град.
6. Што ве натера да ја посетите Македонија повеќе пати ?
Причината да ја посетам Македонија повеќе пати беше тоа што секогаш има да се види нешто ново. Сакам да посетам уште цркви, природи. Слушнав многу за Маврово, Пелистер и Битола и следното мое доаѓање во Македонија ќе биде токму на тие места. Се разбира и неколку денови ќе бидам и во преубавиот Охрид.
7. Што би им препорачале на оние што сакаат да ја посетат Македонија ?
Јас би им препорачала со задоволство да ја посетат вашата земја, затоа што има навистина што да видат и доживеат. Прекрасното време, вашата култура, храна и музика ме направи барем за момент многу среќна. Со задоволство им зборувам на моите колеги на работа за вашата преубава земја да ја посетат, затоа што кога еднаш се оди во Македонија човек посакува пак да се врати во прекрасната земја.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.