„Шведскиот репродуктивен фактор на коронавирус е под 1, што е индикација дека епидемијата во оваа земја е под контрола, и покрај пофлексибилниот пристап што го применуваат шведските власти во однос на другите европски земји“, вели главниот епидемиолог во Агенцијата за јавно здравје, Андерс Тегнел.
Како што рече, репродуктивниот фактор неколку дена е под еден, што значи дека заразеното лице инфицира помалку од едно лице во просек.
„Тоа значи дека епидемијата постепено ќе се намалува“, рече Тегнел.
Шведска го привлече меѓународното внимание, но исто така предизвика доза на скептицизам затоа што не воведе строги карантински мерки како другите земји.
Ресторани и кафулиња се уште се отворени во Шведска, како и градинките и основните училишта.
Сепак, Шведска има повеќе заразени и фатални случаи од другите скандинавски земји. До саботата наутро, имаше повеќе од 22.000 заразени и 2.669 починати.
Соседната Финска има околу 5.000 заразени и 220 смртни случаи, додека Норвешка има 7.700 заразени и 210 мртви.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.