На денешната прес конференција градоначалникот на Град Скопје, Петре Шилегов, изјави дека нема никакви ингеренции за дивоградбите, а за тоа каков е статусот на останатите две платформи во езерото Матка, тоа му е непознато.

Градоначалникот на Град Скопје, Петре Шилегов, на денешната прес конференција изјави дека тој лично побарал да се сруши платформата која што беше започната да се гради годинава, а за која градоначалникот на Сарај тврдеше дека е постоечка и дека се врши реконструкција.

-Јас побарав да се сруши платформата која што беше започната да се гради годинава, а за која градоначалникот на Сарај тврдеше дека е постоечка и дека се врши реконструкција. Всушност, реакцијата на јавноста, реакцијата на скопјани, беа токму за градењето на таа предметна платформа, а гледам дека се проширува. Поради тоа го повикав Беџети кај мене во кабинет и од него побарав предметната платформа да биде предмет на рушење.

Тој изјави дека и останатите две се дивоградби. Ние немаме никакви ингеренции за дивоградбите, каков е статусот на останатите две платформи во езерото Матка ми е непознат. Тогаш како градоначалник на Скопје изреагирав на тоа што сите во тој момент реагираа – рече Шилегов на денешната прес конференција.

Беџети открива дека минатата година, преку возачот на премиерот Заев, добил документи за поништување на легализацијата на една од платформите на Матка.

Исто така добил предлог и од градоначалникот на Скопје Петре Шилегов, да биде урната само една од спортните три платформи, а останатите да продолжат да се градат.