Градоначалникот на Скопје, Петре Шилегов на социјалните мрежи вечерва напиша дека екипите на Град Скопје се пристигнати во Драч и ставени на располагање на надлежните служби во Албанија, после силниот земјотрес во кој загинаа најмалку 20 лица.
Екипите на Град Скопје се пристигнати во Драч и ставени на располагање на надлежните служби во Албанија, соопшти вечерва градоначалникот на Скопје, Петре Шилегов.
„Таму се веќе и нивните колеги од Италија. Заеднички ќе се обидат да спасат што е можно повеќе животи. Истовремено, Ве повикувам, секој во рамките на своите можности да помогне на веќе објавените сметки на Црвениот Крст. За човечки животи се работи. Да помогнеме сите заедно !!!“ напиша Шилегов.
Багерите на терен, се уште се расчистуваат урнатините по разорниот земјотрес јавува репортерот на ТВ21 од Драч, Албанија.
Екипата на ТВ21 се наоѓа во Драч од каде известуваат во живо.
Во Драч пристигнати се екипите од нашата земја кои со термален дрон ќе пребаруваат луѓе од под урнатините.
Во земјотресот со јачина од 6.4 степени загинаа најмалку 16 лица, а повредени се повеќе од 600 лица. Спасувачи од Балканот се приклучија во акцијата за потрага по преживеани, под зградите и објектите кои се урнаа при силниот потрес.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.