Денеска лидерот на СДСМ Зоран Заев и иден премиер на земјава,  на новинарско прашање поврзано со стартот на учебната година рече дека ќе има законски измени и дека ќе почне од 1 октомври.

-Почетокот на школската година ќе биде на први октомври, ќе почне со селекција на дел од децата кои треба да ги описмените, онлајн наставата е концепт за сите.

Во меѓувреме и министерот Адеми најави измени за 15 септември, но беше категоричен дека на први септември не почнува школската година.

Заради здравствени протоколи почетокот ќе биде на први октомври, рече Заев.

Вчера пак министерот за здравство доц. д-р Венко Филипче, во гостувањето во централниот Дневник на Сител во однос на почетокот на учебната година истакна дека приоритет е заштитата на најмладите.

Протоколите кои ги изготвивме се базираат на истите универзални принципи за заштита од болеста и спречување на ширење на вирусот. Тоа е носење на маска, одржувањето на дистанца и задолжителното често миење и дезинфекција на рацете. Нашата препорака да има физички присутни деца од првите три одделенија е со цел да се намали бројот на деца што би присуствувале во училиштето, во училниците. Бидејќи децата сигурно ќе се среќаваат на влезот, на почетокот и на крајот на денот и за време на одморите, препораката е да не се излегува од училниците за време на одморите, а овие три одделенија да почнуваат во различно време со временска разлика од 10 минути. Сакаме да ги избегнеме лошите сценарија коишто ги видовме во земјите кои целосно ги отворија училиштата. Децата се преносители на вирусот, а нашата анализа покажа дека најлесна форма и најмалку процентуално, под 4%, заболуваат најмалите деца до 9 години“, изјави министерот Филипче.