Во јавноста се појави уште една снимка која прикажува какви трикови ги користат турските безбедносни сили на границата со Грција, во областа околу реката Еврос (Марица).

Камерите го фатија турското тактичко возило „Хизир / Атес“, обидувајќи се да го сруши делот од граничната ограда кое што има јаже или жица прикачена на неа.

Според порталот „Катимерини“, овој вид возило го прими минатата година од страна на Турција, во рамките на програмата финансирана, меѓу другото, од Европската унија.

Да потсетиме, ова е само уште еден во низата снимки кои докажуваат дека турските сили намерно го организираат и охрабруваат доаѓањето на мигрантите на границата со ЕУ, според грчките власти.

Грчките безбедносни сили денеска интервенираа со солзавец и водени топови на мигрантите кои чекаа во тампон-зоната да преминат во земјата.

Групи луѓе постојано пристигнуваат во турскиот град Едирне за да ја преминат грчката граница на патот кон европските земји.