Саша Поповиќ, директорот на Гранд продукцијата кој важи за еден од највлијателните луѓе во регионот, кој помогнал на многу од музичките ѕвезди да го достигнат врвот во својата кариера, за прв пат реши да проговори за една своја грешка.

Имено тој рече дека кога станува збор за изборот на музичките ѕвезди во кои верувал и вложувал, се покажал погрешен само со една пејачка. Станува збор за Тања Савиќ, девојката која беше миленичка на многумина и поради нејзиниот глас но и поради нејзиниот изглед. Сепак Поповиќ вели дека во неа верувал и вложил многу но за жал не станала она што тој мислел дека може да биде. Поповиќ бил уверен дека токму Тања Савиќ ќе успее да ја наследи Цеца.

„Најмногу очекувавме од Тања Савиќ. Таа е вонсериска пејачка. Убава, прекрасна млада девојка која се појави на 18 години. Сигурно можеше да ја наследи Цеца и имаше вистински хитови на почетокот на кариерата. И биравме песни и ја водевме кариерата, но заради сплет на околности едноставно ја нема. Мислам тука е таа, но не е тоа онаа Тања за која мислевме дека ќе биде врвна ѕвезда“, рекол Поповиќ.