Одборот за решавање на спорови на Светската трговска организација пресуди против повеќето тарифи што САД ги воведоа на стоки од Кина.

Комитетот рече дека мерките на САД ги кршат клучните принципи на меѓународната трговија и условите под кои Вашингтон се приклучува на Светската трговска организација, пренесува Кјодо.

Портпарол на кинеското Министерство за трговија ја поздрави пресудата, која тој ја оцени како „објективна и фер“. Тој рече дека Кина се надева дека Соединетите држави целосно ќе ја почитуваат одлуката на Светската трговска организација.

Портпаролот на Министерството за трговија на САД, Роберт Лајтхајзер ја критикуваше одлуката на одборот, велејќи дека Светската трговска организација е „целосно несоодветна да ги запре штетните технолошки практики на Кина“.

Тој рече дека на САД мора да им се дозволи да се бранат од нефер трговски практики и дека администрацијата на претседателот Трамп нема да дозволи Кина да ја користи Светската трговска организација за да ги искористи американските работници и компании.

Одборот ја донесе одлуката откако Кина поднесе жалба поради ограничувањата на увозот наметнати од Соединетите држави.

Соединетите држави имаат право на жалба на одлуката во рок од 60 дена.