Иран издаде потерница за американскиот претседател Доналд Трамп и 30 други лица под сомнение за вмешаност во нападот врз иранскиот генерал во Багдад, изјави денеска обвинителот на Техеран Али Алкасимер.

Иран побара од Интерпол помош за апсење на осомничените, но Интерпол не даде никаков коментар.

Иако американскиот претседател не е во опасност да биде уапсен, обвинувањето ги зголеми тензиите меѓу Иран и Соединетите држави. Обвинителот рече дека Трамп и останатите осомничени се обвинети за вмешаност во нападот во кој генералот Касом Сулејмани беше убиен во Багдад на 3 јануари.

Тие се обвинети за убиство и тероризам, рече Алкасимер, пренесе агенцијата ИСНА. Идентитетот на обвинетите не е наведен, освен за американскиот претседател, а обвинителот рече дека Техеран ќе продолжи да го гони дури и по истекот на мандатот за претседател.

Сулејмани, заменик командант на ирачката милиција која го поддржува Иран, и пет други лица загинаа во нападот на американски беспилотни летала во близина на аеродромот во Багдад.

Иран возврати со балистички ракетен напад врз американските сили во Ирак.