Ако направиме мал времеплов и се вратиме на почетокот на 2019 година, ќе знаеме дека поранешната шефица на СЈО, Катица Јанева, сега второосомничена за случајот Рекет, велеше дека Стефанова е исклучително добар обвинител кој ја има нејзината доверба. Овие пофалби и ги подели во емисија на 1тв(телевизијата на Боки 13)

„Стефанова е иста како и првиот момент кога ја повикав и во овој момент. Ја има целосно мојата доверба во работата, а најповеќе бидејќи се работи за еден искусен професионалец кој поминал многу саати во судница, во разни видови на ситуации кои ги налагале предметите“, ова го велеше Јанева пред само една годдина за обвинителката која вчера ја нарече гомнарја и ороспија.

Тогаш новинарката и постави прашање на Катица дали се кае што ја ангажирала Стефанова,на што таа рече дека направила вистински избор.

-Апсолутно не, напротив, сметам дека мојот избор со секој ден, се повеќе што се работи во СЈО на определени предмети, повеќе сум уверена и јавноста е уверена дека вистински избор сум направила со сите обвинители, не само со специјалната обвинителка Лиле Стефанова, порача тогаш Јанева.

Но каде исчезна довербата и добрите зборови за Стефанова? Што се смени за една година? Каде пукна тиквата помеѓу двете обвинителки?

Јанева вчера упати погрдни зборови до Стефанова на што веднаш реагираше судијката Васка Николовска Масевска, која ги повика полицајците што ја спроведуваат од куќен притвор и нареди таа да биде изнесена од судница.

И клучното прашање кое се надеваме дека наскоро ќе добие одговор е дали трансформацијата на Јанева која е обвинета за Рекет се должи на тоа што Стефанова знае премногу?

Како Катица ја фалеше Лиле 😂 pic.twitter.com/zohAchyBlM

— Хибридната (@PravednaTavita) January 27, 2020