Турска адвокатка за човекови права почина како резултат на штрајк со глад во затвор, со намера да се бори за фер судење за себе и за група свои колеги.

Според АП, 42-годишната Ебру Тимтик починала синоќа во истанбулска болница откако штрајкувала со глад 238 дена.

Таа и 17 нејзини колеги се обвинети за наводни врски со забранетата Револуционерна партија за народно ослободување, милитантна организација обележана како терористичка организација во Турција, САД и Европската унија.

Тимтикова беше прогласена за виновна во март 2019 година и беше осудена на 13 години и шест месеци затвор, а за време на нејзината смрт, апелациониот суд го разгледуваше нејзиниот случај.