Целиот свет жали и е во неверување поради трагичната смрт на еден од најдобрите кошаркари на сите времиња, Коби Брајант.

Коби Брајант загина во хеликоптерска несреќа во Калифорнија на 41-годишна возраст.
Огромна и неизмерна загуба е за спортскиот свет, а смртта на легендарниот кошаркар го потресе и српскиот тенисер Новак Ѓоковиќ, кој беше негов близок пријател.

Само 24 часа пред неговата смрт, српскиот тенисер зборуваше за неговото пријателство со Брајант и истакна дека му помогнал во најтешкиот период од неговиот живот а тоа е кога закрепнуваше од повреда на лактот.

„Коби е еден од моите ментори, кога поминав низ тешкиот период поради повреда на лактот, тој беше еден од оние што беа со мене цело време и ми даваше совети“, рече Ѓоковиќ пред новинарите во Мелбурн во саботата.

„Да се биде опкружен со луѓе како Коби или Кристијано Роналдо е неверојатно, јас се чувствувам како млад ученик меѓу нив“, рече Ѓоковиќ.