Правото што Црна Гора го бараше со враќање на независноста и слободно избирање на својот пат, го сака и за другите народи, изјави претседателот на Црна Гора, Мило Ѓукановиќ, одговарајќи на новинарски прашања за време на неговата официјална посета на Полска.

– Не настрадавме поради тоа. Ова што сега се случува во Украина се случи во поблага форма во 2016 година, кога се подготвуваше државен удар кој требаше да го спречи влезот на земјата во НАТО. Едноставно во Украина се манифестира со далеку побрутални методи.

Како сериозни луѓе мора да водиме сметка за приоритетите и динамиката. Кога имаме војна пред нас, мора да преземеме чекори за да ја спречиме, да спасиме животи, а потоа да го вратиме мирот и политичката посветеност дека секоја земја има право да ја избере својата иднина – рече Ѓукановиќ.

Претседателот на Полска, Анджеј Дуда изјави дека на средбата со Ѓукановиќ било разговарано и за руското влијание и ефектите од руската агресија врз политиките на европските земји.

Русија мора да биде принудена да го почитува меѓународното право и да престане со агресивните активности и активности насочени кон монополизирање на енергетската ситуација во Европа. Додека не го направат тоа, нема да бидат ничиј партнер, прво треба да се однесуваат како нормална држава. Тие сакаат да го прошират своето влијание, а денеска разговарав со Ѓукановиќ за тоа. За агресијата во Украина, обидите за дестабилизација на ситуацијата во БиХ, Косово… Треба да го запреме тоа и тоа беше тема на разговорот и пред се прашањата што му ги поставив на претседателот како личност која ја познава политиката во регионот и ја знае.

Ѓукановиќ вели дека сме сведоци на значителен пустош на општествата од Западен Балкан.

– Ова е последица на отсуството на попроактивна политика за проширување на ЕУ, но и искористување на тој простор од деструктивната политика на Русија. Мислам дека тоа е нешто што не обврзува да се обидеме да го спречиме идното оддалечување на регионот од евроатлантскиот автопат. Русија се обидува да ги врати правилата на политиката на Студената војна преку ревизија на историјата и да го искористи правото да одлучува за судбината на другите – смета Ѓукановиќ.

Тој смета дека Европа минува низ историски тест.

– Или ќе го запреме агресорот и потоа ќе го казниме со политичката и правната казна што следува, затоа што тој што убива народ. Или ќе им ја отвориме вратата на идните агресори. Затоа мислам дека ова е историско судење – посочува Ѓукановиќ.