Откако беше објавено дека поранешниот министер за транспорт и врски, Миле Јанакиески има здравствени проблеми, и дека под итно ќе биде пренесен на операција на срцето, денеска тој повторно е вратен во притвор во затворот во Шутка.

Имено Јанакиески не правел операција на срцето а по направените испитувања е вратен во Истражниот затвор во Шутка, јавува МКД.МК.

Есад Рахиќ за МКД.мк вели дека состојбата на Јанакиески е стабилна и дека по прегледите е вратен во затвор.

– „Јанакиески беше носен во болница минатата недела и по направените испитувања е вратен во Истражниот затвор во Шутка. Врз него не е направена хируршка интервенција и здравствената состојба му е добра”, вели Рахиќ за порталот.

Јанакиески штрајкуваше со глад, но по препорака на лекар го прекина штрајкот.