Екс шефицата на СЈО, а сега обвинета во случајот „Рекет“ Катица Јанева, е во постабилна состојба и денеска најверојатно ќе биде вратена во притвор.

Јанева е на болничко лекување во приватната клиника „Жан Митрев“, каде беше однесена во четвртокот поради влошена здравствена состојба.

На Јанева и бил измерен висок крвен притисок, а при испитувањата докторите утврдиле дека е во прединфарктна состојба.

Бранителите на Јанева изјавија дека засега немаат побарано од судија на претходна постапка укинување на притворот заради влошената здравствена состојба. Појаснуваат дека првин ќе ја сочекаат одлуката на Апелациониот суд за поблага мерка за што е понудена гаранција од три станови.

Документацијата за влошена здравствена состојба, Боки 13 веќе ја доставил до судија на претходна постапка за укинување на притворот.. Во меѓувреме обвинителството за гонење организира криминал и корупција го поднесе обвинението за случајот Рекет а во исто време ја продожи истрагата и за Меѓународниот сојуз на Јовановски. Меѓу петтемина осомничени за перење пари, измама и помагање под истрага е и пратеничката Фросина Ременски.

Освен Ременски, со истрагата на Обвинителството опфатени се и потпретседателката на меѓународниот сојуз Јасна Мандиќ, таткото на Јовановски, Миле и асистентка од сојузот.