Новинарот и водител на емисијата Јади бурек, Јанко Илковски јавно на својот Фејсбук профил објави дека добива закани, преку своите деца упатени до неговата сопруга.

Новинарот истакна дека ги примил заканите, и дека од сега па натаму сите оние кои планираат да се занимаваат со неговото семејство ќе бидат пријавени во соодветните институции.

Револтиран вели дека од сега заканите треба да ги добива лично, и дека е приморан да го брани своето семејство.

Добив закани кон мојата сопруга. Таа закана беше испратена преку моето дете! ОК, пораката е примена. Заканата спрема најблизок член на смејство е и лично спрема мене!
Фала, пораката е примена! Одсега па натаму, проблемот е лично со мене и само со мене!

За било какви последици, утре ќе се повикам на оваа моја објава, како одговор за заканите упатени на најдолен начин, не мене лично, туку преку моите деца за нивната мајка!

За ова ќе реагирам до институции, домашни и странски!

пс, молам, не ми кажувајте што треба, дали треба и како треба да правам, кога и самите не верувате во тоа што ќе ми го напишете ниту ќе има ефект, а најмалку дека институција или вие можете да ме заштитите, не ми требаат ни лајкови ни шерови, ни упатства, објавувам само за да имам на што да се повикам ако утре бидам приморен да се бранам јас, мојата сопруга или моите деца.

Ова не е прв пат Јанко да добива закани. Тој пред неколку години објави дека јавно добил закани по живот за неговиот син Максим.

Ми се заканија јавно дека ќе ми го убијат детето, мојот син Максим, јавно, на мојот личен профил, објави тогаш на социјалните мрежи новинарот Јанко Илковски, автор и водител на емисијата „Јади Бурек“.