Поранешната декадна министерка за внатрешни работи во владата на Никола Груевски, единствена која ја избегна мерката притвор, вчера со две долгометражни интервјуа, од обвинет, власта ја прокламираше во безбедносен експерт.

Првото ТВ интервју беше за ТВ24 и тоа пред министерството за внатрешни работи, од каде Јанкулоска грижливо и детално, одговори на сите прашања кои до неа ги имаше новинарската, при што во моменти, обвинетата стана и експерт кој го сподели своето искуство за бегството на поранешниот премиер.

Имено пранешната министерката за внатрешни работи, Гордана Јанкулоска изјави дека да се организира бегство воопшто не е едноставна операција.

Од искуството кое го имам стекнато во мојата професионална кариера слободно можам да кажам дека да се организира ваква операција не е воопшто лесно, особено не да се преминат две граници, од кои една е земја членка на Европската Унија. – истакна Јанкулоска.

Таа додаде и дека воопшто не го оправдува потегот на поранешниот премиер Груевски и смета дека бегството не претставува никакво решение.

Подоцна беше гостинка на 1ТВ каде се осврна на теми кои додека беше актуелен министер не одвои ни секунда простор за медиумите.

Јанкулоска се пожали дека три и пол години е предмет на јавен линч, заборавајќи дека сеуште е и обвинета а и осудена на казна затвор во истиот предмет со Груевски, и воедно посочи дека е коректна кон судот и обвинителството но дека не било фер целата тежина да се префрла на една адреса, нејзината.

Врв на лицемерието беше прашањето за убиството на Мартин Нешкоски, кое Јанкулоска во аудио записот го осудила а не се обидела да го прикрие.

Не можеш да скриеш убиство. – рече Јанкулоска која појасни дека откако и било поставено прашањето на прес конференција веднаш побарала информации и истрага од секторот за внатрешна контрола и оти не била направена соодветна евидентија на настанот, кој бил наведен само дека е пронајдено починато лице.

Коментарот кој е кажан во телефонскиот разговор се однесува на тоа дека е невозможно да се сокрие убиство и дека со таа реченица Јанкулоска го осудува обидот за прикривање на убиството, кој според неа бил направен од тој што требал да го евидентира настанот.