СДСМ за две години со своето погубно владеење, неправдите, криминалот и корупцијата загуби околу 300.000 гласови. Заев и Пендаровски ја уназадуваат Република Македонија и граѓаните тоа го казнија, смета генералниот секретар на ВМРО-ДПМНЕ, Игор Јанушев.

Коалицијата предводена од СДСМ,додадетој, во која се партиите ДУИ, ДПА, ДОМ, ЛДС, ДП, ВМРО НП, Обединети за Македонија уште 20  други партии овие избори освои само 323 илјади гласа, ова е пад од речиси 200.000 гласови на истата оваа гарнитура од политички партии кои заедно во 2017 година освоија над 523 илјади гласови.

Граѓаните им кажаа НЕ на негативните политики, криминалот, корупцијата и непотизмот. А Заев и Пендаровски за само една  година паднаа за околу 200.000 гласа. Падот на гласови на власта е уште поголем доколку се погледнат резултатите од парламентарните избори во 2016 година, кога оалицијата која ја предводеше власта освои околу 608 илјади гласови.  Падот на гласови на власта од 2016 до денес повторувам изнесува скоро 300.000 гласа, рече Јанушев. 

Според него, Заев и Пендаровски изгубија 300.000 гласа. Заев и Пендаровски изгубија и во Скопје и во Битола, во Штип, во Прилеп, Велес односно во над 60 општини во државата, од кои во 47 општини со директно соочување со ВМРО-ДПМНЕ. На  5 мај граѓаните ќе ги поразат Заев и Пендаровски. Поразот на Пендаровски е крај за Заев и сета деструктивна и криминогена политика во изминативе две години.

ВМРО-ДПМНЕ и Гордана Силјановска Давкова се за право и правдина за Македонија и во Македонија. Ние се залагаме за подобра  иднина, посилна економија, чиста животна средина, зголемена безбедност, депаритизирана администрација, независно судство и буквално ама буквално почитување на принципите и вредностите на кои се темелат модерните демократии, заклучи Јанушев.