Генералниот секретар на ВМРО-ДПМНЕ, Игор Јанушев вчера беше гостин во телевизија 24. Тој изјави дека во една држава не смее паралелно д аима две обвинителства, бидејќи како што вели тоа е надвор од сите правни норми.

Како што изјави тој ставот на ВМРО-ДПМНЕ е многу јасен. Вели тие бараат остварување на три основни принципи кога станува збор за СЈО, односно законот за јавно обвинителство за кој има преговори.

-Прво, потребно е целосно имплеметирање на меѓународните приниципи за јавното обвинителство. Ние не можеме да сме заморчиња за некои експерименти, не за вака крупни работи како сега. Станува збор за институција јавно обвинителство и треба да се применуваат меѓународни стандарди. Второ, потребна е заштита на човековите права согласно со меѓународните документи и пракса.

Додава дека би било фер изборот на јавен обвинител да биде по предлог на опозицијата, и вели дека нее важно може и по шест месеци или година, но СДСМ разумно е да го прифати ваквиот предлог.

Генералниот секретар на опозициската ВМРО-ДПМНЕ потенцираше дека треба да одговара секој што сторил криминал. Јанушев изјави дека владеачката партија не сака казна за криминал, туку сака елиминација на опозициската партија.

-Тука се ТАТ, Глобал, кога Заев бара едно евро за Вицето. Ако СДСМ спори со ова тогаш имаме доказ дека сте против право и правда, рече Јанушев. Тој укажа дека СДСМ не сака истраги за криминал туку сака елиминација на ВМРО-ДПМНЕ.