Претседателот на Европската Комисија, Жан Клод Јункер, ги повика Грција и Македонија да го завршат процесот за името во определените рокови.

Јункер одговори на новинарско прашање на прес конференција со романскиот претседател, Клаус Јоханис, дека е “импресиониран од храброста“ на Зоран Заев и Алексис Ципрас.

-Ретки се оние кои пред историјата носат таква одговорност и би сакал овој процес да биде заклучен успешно и во определените рокови, можам само да ги охрабрам двете земји, двата парламенти да го направат тоа што историјата го бара од нив, изјави Јункер.

Претседателот на Европската Комисија, Жан-Клод Јункер во интервју за Дојче веле оценува дека Македонија прави многу голем напредок во насока кон Европа. Јункер смета дека условите за членство мора да се исполнат, а тоа вклучува и сите држави од Западниот Балкан да ги решат своите меѓусебни проблеми.