Новинарот и главен  одговорен уредник на порталот Економски Лидер, Љупчо Златев бил повикан на распит во полиција.

-Наместо да го гони криминалот, полицијата одлучи да ги гони оние кои го откриваат криминалот. МВР ме повика на распит затоа што како одговорен уредник на Економски Лидер ја објавив снимката на која се слуша како генсекот на владата Драги Рашковски договара тендери и провизии. Распитот ќе се обави утре, откри Златев на својот Фејсбук профил. 

Тој, порача дека нема да дозволи да го замолчат.

За потсетување, на порталот “Економски лидер“, чиј уредник е Љупчо Златев беше објавена снимката во која се тврди дека освен гласот на генералниот секретар на Владата, Драги Рашковски се слушаат и тогашниот технички директор на М-НАВ Климент Чапуњовски и директорот и претседател на управниот одбор на компанијата Николче Тасески.

Чапуњовски според снимениот материјал, му укажува на Рашковски дека не може да се прави записник за состанокот со компанијата „Леонардо“, затоа што тоа е против правилата на Банката (н.з се мисли на Европската Банка за Обнова и развој – која го финансира проектот). На неговата реакција се надоврзува и директорот Тасески.

Инаку Рашковски кој ја извршува функцијата генерален секретар на Владата, Драги Рашковски најави дека ќе поднесе кривична пријава за неовластено снимање против Климент Чепуњовски, како и тужби за клевета и навреди против Иванка Василевска, Горан Момировски, Миленко Неделковски, Љупчо Златев. Арбитражна постапка ќе биде поднесена и против медиумите „Курир”, „Инфомакс” и „Лидер”.