Еден од најголемите проблеми со кои мака мачиме години наназад е Аерозагадувањето. Нема ден а да не видиме некој од градовите од Македонија дека е на листата со најзагаден воздух.

Не превземањето конкретни мерки за намалување на загадувањето, ги прави граѓаните револтирани и бараат од властите да превземат итни мерки против тивкиот убиец.

УНИЦЕФ објави едно видео после кое сите ќе се замислиме. На видеото е прикажано како загадениот воздух влијае врз здравјето на децата. 

Видеото има за цел да се подигне свеста а главна цел е да се покаже дека загадениот воздух носи трајни последици кај децата чии бели дробови, мозок и имунолошки систем се сè уште во фаза на развој.

Секое дете заслужува да дише чист воздух. Во ова видео можете да слушнете повеќе за последиците што загадениот воздух може да ги има врз децата.

Кога ќе вдишете длабоко, што мислите дека вдишувате?
Дури и кога загадувањето во воздухот е невидливо, тоа може да донесе трајни последици, особено кај децата чии бели дробови, мозок и имунолошки систем се сеуште во фаза на развој.

Пасивноста веќе не е опција, мораме веднаш да го спречиме загадувањето, стои во објавата на УНИЦЕФ МК.