Границите со соседна Грција и натаму остануваат затворени за сообраќај целосно до сабота, информираат од МВР.

– Министерството за внатрешни работи ги известува граѓаните дека до граничните служби на граничните премини „Стар Дојран“ и „Меџитлија“ од страна на грчката гранична служба од граничните премини „Дојрани“ и „Ники“, а во врска со новите протоколи на грчката влада за рестрикитивни мерки за ковид-19, доставено е известување дека грчките гранични премини ,,Дојрани“ и ,, Ники“ ќе бидат целосно затворени за сообраќај до 15.08.2020 (сабота), стои во соопштението на МВР.

Сите патнички и товарни моторни возила што планираат да остварат влез и излез од и во Грција до наведениот период, тоа ќе може да го остварат на грчкиот граничен премин ,,Евзони“.

Воедно од МВР информираат дека македонски и странски државјани при влез во земјава се должни да спроведуваат одредени мерки во периодот од 14 дена од влегување во земјава.

• Почитување на одредбите за носење заштитна маска во затворен простор, а доколку се движи на јавни места и површини од отворен тип и целосно го одржува дозволеното минимално растојание од најмалку два метри од друго лице маска не е задолжителна со внимателно избегнување на допирање на лицето со рацете;
• Да се ограничат на минимум личните и професионални контакти со други лица од нивната околина и надвор од неа;
• При евентуален контакт  со други лица задолжително е носење на заштитна маска;
• Должни да се придржуваат кон упатствата за намалување на ризикот од пренесување на инфекцијата; 
• Често миење на рацете или нивна дезинфекција;
• Избегнување физички контакт и одржување на растојание од најмалку 1,5 – 2 метри при контакт лице-в-лице;
• Да се избегнува користење на јавен градски и меѓуградски превоз; 
• Мерење на телесна температурата наутро и доколку е поголема од 37,2 °C или ако лицето има симптоми (треска, отежнато дишење, сува надразнителна кашлица) го контактира телефонски својот матичен лекар или со сопствено возило и еден придружник се јавува на преглед во најблиската здравствена установа каде врз основа на клиничката слика се одлучува  за понатамошен третман. 
• Доколку состојбата бара итна хоспитализација се повикува итна медицинска помош или со сопствено возило во придружба на еден член на семејството ја посетува  најблиската COVID болница, со претходна најава по телефон.
• • Давање на точни податоци на здравствените власти за престој надвор од Република Северна Македонија во претходниот период од 14 дена.