Денеска во Министерството за финансии ќе биде потпишан договор за заем, со кој треба да се набават нови нископодни автобуси за Јавното сообраќајно претпријатие Скопје.

Се планираат да се купат 30 до 40 нископодни автобуси, а истите работат на компримиран природен гас.

На денешното потпишување на договорот за набавка за нископодни автобуси, ќе присуствуваат министерот за финансии, Драган Тевдовски, градоначалникот на Скопје Петре Шилегов, заменик директорот на Европската банка за обнова и развој за општинска и еколошка инфраструктура Лин О’Грејди и директорот на ЈСП Кристијан Чушков.

Со заем од ЕБОР се обезбедуваат нови 10 милиони евра, а во набавката со два милиона евра сопствени средства ќе учествува ЈСП. Град Скопје ќе издаде општинска гаранција за 10 те милиони евра, а Република Македонија ќе издаде државна гаранција. Заемот ќе мора да се отплати за 10 години, со вклучен грејс-период од три години.