Известувач за Македонија во ЕП, Илхан Ќучук, во изјава за Телма вели дека не е само Франција која се противи на проширувањето на ЕУ.

Според она што го изјави тој, околу 67% граѓани кои се против се од Австрија, 64% од Германија. па потоа 63% Франција.

-Целта на методологијата пред се да биде поефективна и да одговори на очекувањата од двете страни. Од една страна треба да ги убедиме скептичните држави, а тие се неколку меѓудругото, и Франција не е најскептичната. Ако погледнеме последното истражување на Евробарометар, 67% од австриските граѓани се изјаснуваат против проширувањето на ЕУ, во Германија се 64% и Франција се 63%, појаснува Ќучук.

Ќучук вели дека треба да се направатнапориза да се убедат земјите од Западна Европа, дека проширувањето е важен процес за ЕУ. Тој вели треба да им се даде до знаење дека токму проширувањето на унијата придонесува за стабилноста, сигурноста, економскиот просперитет, во глобална смисла.

-Но од друга страна реформите се реализираат не само поради интеграцијата, туку и поради граѓаните на една или друга држава. Во основата на реформите се политичките елити, но тие се спроведуваат во името на граѓаните, дообјасни Ќучик.