Одделот за внатрешна контрола, криминалистички истраги и професионални стандарди при МВР во содејство со сообраќајната полиција и Државниот инспекторат за транспорт во петокот од 15 до 18 часот на дел од наплатните станици извршил контрола на возачи кои злоупотребуваат службени легитимации и т.н. флешери со цел одбегнување плаќање на надоместок за патарина.

»Од извршената контрола констатирано е дека 31 возачи постапиле спротивно на Законот, од кои деветмина возачи се вработени во МВР, 22 возачи на возила се граѓански лица кои одбегнале плаќање на патарина, за што од страна на Државниот инпекторат за транспорт им се изречени глоби во висина од 200 евра. Против полициските службеници кои ги злоупотребиле службените легитимации ќе биде поведена постапка за утврдување на дисциплинска одговорност, велат од МВР.

Магазин веќе пишуваше за идеата да се воведат таканаречените „Виниети„ кои ќе мора да ги има секое возило без разлика дали е државно, службено или приватно. Со тоа ќе се дигнат рампите и ќе се намалт трошковите кои се енормно скапи  и тоа стотици илјади евра во годината, без платите за вработените, а да не зборуваме за тие што се „прошверцале„  по линија на фамилија , другари или полицајци и обвинители. Така  на пример во Швајцарија една Виниетка чини 40 Франци за цела година за сите Автопати.

Кога би се вовеле такви виниети што ќе се промени?

Ќе се заштеди на персонал на патарините и ќе се овозможи подобар тек на сообраќајот а и возачите ќе поминат многу поефтино. Пример ако сега патот од Охрид до Скопје  во еден правец чини 160 денари или  во двата 320 денари  а за некоја година највероватно со новииот автопат уште додатни  120 денари или вкупно 420, што значи дека едно патување до Скопје и назад би чинело 6 Евра сао за патарина.

Ако се земе просекот дека секој возач бил барем 5 пати Охрид –  Скопје тогаш се тоа, потрошени 30 Евра , скоро толку колку што Швајцарците пак плаќаат за цела година за илјадници поминати километри. Секое друго патување би било гратис, нема да се прават гужви и нервози во лето и ќе може да се патува побрзо и повеќе пати. Овој модел ќе биде сигурно хит и поздравен од возачите.