Актуелниот претседател на Собранието Талат Џафери вечерва беше гостин во емисијата „Клик плус“ на ТВ 21, каде го објаснуваше процесот на избори во втор круг како и потребниот цензус од 40%.

Тој истакна дека доколку не биде постигнат цензус од 40% на престојните избори на 5 мај, на 12 мај дека тој ќе треба да ја преземе функцијата на претседател на Република Македонија.

Инаку Талат Џафери е роден во гостиварското село Форино на 15 април 1962 година. Основно училиште завршил во село Чегране, а средното го продолжил воБелградна Воената гимназија. Студирал на Воената Академија на Копнена Војска на ЈНА – смер пешадија во Белград и Сараево. Постдипломски студии – специјализација за командни и штабни должности на Воената академија „Генерал Михајло Апостолски” во Скопје.

Тој за време на воениот конфликт во Македонија во 2001 година, беше висок офицер воАРМ и командувал со единиците во тетовската касарна. На 28 април, на денот кога е извршен масакрот кај Вејце, бил дежурен командант во касарната во Тетово. Неколку дена потоа дезертирал и преминува во терористичката ОНА како командат Форина.

Тој беше нзначен за претседател на Собранието на 27 април 2017 година, откако лидерот на СДСМ и актуелен премиер Зоран Заев го прочита предлогот за Талат Џаферида да биде нов парлементарен спикер и во пленарната сала новото парламентарно мнозинство го изгласа.

Пратениците на СДСМ, ДУИ, Беса и Алијанса за Албанците го чуваа Талат Џафери додека ја даваше свечената изјава.