Германскиот уставен суд минатата недела донесе пресуда дека Европската централна банка (ЕЦБ) го надминала овластувањето при купување долгови на владата во рамките на програма за квантитативно олеснување и се заканила дека ќе забрани купување германски државни обврзници. Сорос стравува дека може да ја уништи ЕУ.
Унгарско-американскиот милијардер Џорџ Сорос, во интервју за британскиот „Индипендент“, го предвидува крајот на ЕУ, како што досега го знаевме, заради овој случај.
„Особено сум загрижен за опстанокот на ЕУ, затоа што тоа е нецелосна унија“, рече Сорос. Процесот на создавање унија никогаш не заврши, што ја прави Европа „крајно ранлива, поранлива од Соединетите држави, не само заради нејзината нецелосност, туку и затоа што за владеење на правото. „И тркалата за правда се движат многу бавно, додека заканите, како што е заканата од Ковид 19, се движат многу брзо“, додаде тој.
Сорос изрази сериозна загриженост поради минатонеделната пресуда на германскиот Уставен суд, со кој се оспори масовното купување на државните долгови на членките на ЕУ од страна на ЕЦБ и даде тримесечен ултиматум за банката да ја оправда пропорционалноста на купувањето. Доколку ЕЦБ го одбиеше ултиматумот, повеќе не можеше да смета на Бундесбанк.
Европската комисија се закани со тужба против Германија, иако официјални претставници на ЕУ во понеделникот соопштија дека непосредното правно дејствие против Германија е малку веројатно.
„Пресудата претставува закана што може да ја уништи ЕУ како институција заснована врз владеењето на правото, токму затоа што тоа е германскиот уставен суд, една од најпочитуваните институции во Германија“, рече Сорос.
Според него, примерот на Германија би можел да го следи Унгарија или Полска и законитоста на одлуките на Европскиот суд на правдата може да биде доведена во прашање.
„Ако пресудата на германскиот суд спречи ЕУ да се спротивстави на ваквите движења, тоа ќе значи крај на ЕУ како што тоа го знаеме“, заклучи Сорос.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.