75 % од жените кои имаат карцином на дојка немаат семејна историја за оваа болест. Фактот што се „жени“ е доволна причина да го носат ризикот од карцином на дојка.

Објавил: Сара Фемина | 20 февруари, 2021 10:38

10 ризик фактори за карцином на дојка

Фото/Текст извор: ©магазин.мк

10  ризик фактори за карцином на дојка.

Пол: Карциномот на дојка најчесто се јавува кај жени. Карциномот на дојка се јавува кај помалку од 1% од мажите.

Возраст: Карцином на дојка се јавува кај жените над 50-годишна возраст, додека поретко се јавува кај жени под 35 години. Во САД од 2000 до 2004 година карцином на дојка бил дијагностициран кај 25 од 100 илјади жени на возраст 30-34, кај 190 од 100 илјади жени на возраст од 45-49, и 455 од 100 илјади жени на возраст од 70-74. Наследниот карцином на дојка или карцином на дојка предизвикан од генетски нарушувања најчесто е присутен кај помладите жени.

Поголемиот број случаи на рак на дојката се откриваат кога тие се инвазивни.

Семејна историја: Многу важен фактор на ризик е доколку некој во потесното семејство, особено од страна на мајката (мајка, тетка, баба и ќерка) имал карцином. Ризикот е дури поголем доколку овие роднини имале карцином на дојка пред менопауза и/или имале операција на двете дојки.

Хормон естроген: Колку порано жената првпат добила менструација (на пример пред 12-годишна возраст) толку подоцна таа влегува во менопауза (на пример на 55 години) и ризикот од карцином на дојката е повисок. Се смета дека користењето апчиња за контрацепција го зголемува ризикот од карцином на дојка.

Хормонска терапија по менопауза: Долготрајното користење (пет години или повеќе) на комбинирани хормонски лекови кои содржат естроген и медроксипрогестерон ацетат, пропишани од страна на акушери и гинеколози со цел да ги намалат проблемите за време на менопаузата, како што се топлите бранови, го зголемува ризикот од карцином на дојка повеќе од нивните копии кои содржат само естроген.

Претходна биопсија на дојка: Секундарните хиперплазии кои може да се откријат при биопсија на дојка го зголемуваат ризикот за карцином на дојка за 1,5-2 пати (незначително), атипична дуктална хиперплазија за 3-5 пати (умерено) и лобуларен карцином ин ситу (на свое место – не се шири), или атипична дуктална хиперплазија или лобуларна хиперплазија проследена со семејна историја за 8-10 пати (високо).

Историја на карцином на дојка: Карцином во едната дојка речиси двојно го зголемува ризикот од карцином во другата.

Радиотерапија: Пациентите кои биле на зрачење на дојките поради други видови карциноми во детството (лимфом и слично) имаат поголема веројатност од појава на карцином на дојка.

Исхрана и фактори на окружување: Исхраната богата со масти и угоеноста го зголемуваат ризикот од појава на карцином на дојка особено кај жените во менопауза. Додека конзумирањето алкохол (повеќе од една чаша на ден), исто така, го зголемува ризикот, ефектот од пушењето сèуште се дебатира. Од друга страна, познато е дека редовното вежбање и физичка активност го намалуваат ризикот од карцином на дојка.

Генетски нарушувања: Наследните гени на карцином на дојка (БРЦА 1 и БРЦА 2[1]) опфаќаат 5-10 % од сите случаи на карцином на дојка. Жените кои во потесното семејство имаат семејна историја на карцином на дојка од страна на мајката имаат поголем ризик од карцином.

Точно или неточно: Доколку немам историја на карцином на дојка во семејството, немам ризик од карцином на дојка.

75 % од жените кои имаат карцином на дојка немаат семејна историја за оваа болест. Фактот што се „жени“ е доволна причина да го носат ризикот од карцином на дојка.

»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.

Останати вести од Совети

Информациите од регулаторните тела од Германија и Канада, од вчера, се дека оваа вакцина привремено ќе ја користат само кај популација постара од 60 години.

ФИЛИПЧЕ: АСТРА ЗЕНEКА Е БЕЗБЕДНА ЗА ВОЗРАСНИТЕ ГРАЃАНИ

Вакцината на Астра Зенека е безбедна за возрасните групи граѓани со кои денеска ја...

Кокцигеалниот сегмент е составен од крстната коска која е формирана со спојување на 3 до 5 мали прешлени. Најчесто крстната коска е составена со спојување од 4 мали прешлени, но кај некои луѓе можно е таа да биде составена од 3 или 5 мали прешлени, што не влијае на нејзината функција.

ЗДРАВЈЕ: Структура и функција на здравиот ’рбет

Рбетот претставува комплексна структура која овозможува стабилност и мобилност на...

Комисијата при Министерството за здравство во континуитет ја следи состојбата низ целата држава и јавноста соодветно ќе биде информирана.

НИСКИ ТЕМПЕРАТУРИ ОД ЖОЛТА ФАЗА ВО ЦЕЛА ДРЖАВА, МИНИСТЕРСТВОТО ЗА ЗДРАВСТВО СО ПРЕПОРАКИ ДО НАСЕЛЕНИЕТО

Комисијата за превенција од штетни ефекти од студени бранови при Министерството за...

-Постојат неколку типа на ХПВ вакцини, двовалентна, четиривалентна и деветовалентна. Секундарна превенција претставува скрининг за цервикален карцином. Скринингот се спроведува со правење на ПАП тест и/или ХПВ типизација, во зависност од скрининг програмата и политиката на земјата во која се изведува.

ПРИМАРНА ПРЕВЕНЦИЈА НА РАКОТ НА ГРЛО НА МАТКА Е ВАКЦИНАЦИЈАТА СО ХПВ ВАКЦИНА – ЈАНУАРИ ПОСВЕТЕН НА БОРБА ПРОТИВ РАКОТ НА ГРЛОТО НА МАТКАТА

Доктор Горан Димитров, претседател на Македонското здружение за цервикална патологија...