Игор Петрески, претседател на здружението „Карпалак“ е разочаран и стојат на ставот дека биле предадени и „наместени“. Вели дека многу се ветуваше, но не е направено!

Објавил: Сара Фемина | 8 август, 2022 11:03

21 година од трагичниот настан кај местото Карпалак на патот Скопје

Фото/Текст извор: ©магазин.мк

На 8 август 2001 година кај месноста Карпалак загинаа: Сашо Китаноски, Нане Наумоски, Бранко Секулоски, Марко Деспотоски, Ердован Шабаноски, Љубе Грујоски, Дарко Вељаноски, Веби Рушитоски, Горан Миноски и Пеце Секулоски.
Слава им!

На 8 август, делегации ќе се упатат на месноста Карпалак на патот Скопје-Тетово, ќе бидат посетени вечните почивалишта на загинатите бранители на прилепските градски гробишта и во населените места, а во 10 часот ќе се одржи панихида во црквата „Света Петка“ во прилепската населба Точила. Во 13 часот е централното одбележување пред споменикот „Карпалак“ во центарот на градот.

Пред спомен обележјето во прилепската касарна „Мирче Ацев“ почна одбележувањето на 21 година од трагичниот настан кај местото Карпалак на патот Скопје – Тетово каде на 8 август 2001, во заседа беше нападнат армиски конвој при што загинаа 10 припадници на резервниот состав на армијата.
Пред спомен обележјето се поклонија и положија цвеќиња претставници на семејствата на загинатите, на Армијата, претставник од кабинетот на Претседателот, од локалната самоуправа, здруженија, граѓани и поединци. Цвеќе положи и претставникот од Владата на Република Северна Македонија, Драган Василевски, советник за одбрана на претседателот на Владата.

Оддавајќи им почит на загинатите бранители командантот на прилепскиот гарнизон, потполковник Славчо Кузманоски рече дека спомените и тагата остануваат и по 21 година.

„Измешани чувства на гордост и тага за Нане, Сашо, Веби, за Бранко, Горан, Ердован, Дарко, Љубе, Пецо и за Марко, припадници на резервниот армиски состав. Ненадомстлива загуба, тага и болка за семејствата, вечни спомени за нас. Останува обврската наша и на идните поколенија и генерации да го чуваме споменот за нив, да го негуваме, да се сеќаваме на 2001-та година и да не дозволиме никогаш да се повтори“,

рече командантот на гарнизонот, Кузманоски.
Преживеаниот возач на автобусот, Ацо Јованоски секоја година се сеќава и го посетува местото Карпалак на патот Скопје – Тетово. Најголема болка му е што нема спомен обележје.

„Јас 20 години одам на Карпалак и 20 години е истата тема – секогаш барав барем едно обично камче да постават. Да има каде да се положи цвеќето. Но, го положуваме на банкината. првотто возило што ќе помине по нас, го оддувува, како да не било“,вели Јованоски.

Игор Петрески, претседател на здружението „Карпалак“ е разочаран и стојат на ставот дека биле предадени и „наместени“. Вели дека многу се ветуваше, но не е направено.

„По 21 година веќе сме целосно заборавени. Единствено се потсетуваме на настаните на овие датуми. Бранителите од 2001-та како речиси да не постојат“,рече Петрески.

Почит се оддава и пред споменикот во селото Леништа, а се одржа и вечерна богослужба во манастирот „Света Петка“.

»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.

Останати вести од Настани

Сите официјални претставници освен американскиот претседател Џо Бајден ќе бидат превезени со луксузни автобуси. Бајден ќе пристигне со својата блиндирана лимузина наречена „Ѕвер“.

Погребот на кралицата Елизабета Втора огромен безбедносен предизвик, ќе присуствуваат 500 функционери

Погребот на британската кралица Елизабета Втора, на кој ќе присуствуваат 500 функционери,...