Според АЛСАТ М едно 24-годишно момче од Тетово е во животна опасност и со изгоретини по целото тело, по пожарот што избувнал во неговиот стан на улицата Димо Гавровски во Тетово. Момчето живеело само во станот кој бил опожарен, а по пожарот веднаш бил однесен во Ургентниот центар во Скопје. Дванаесет други лица жители на зградата се здобиле со полесни повреди и се пренесени во тетовската Клиничка болница.

„Лицето со иницијали А.С е донесено околу 12.30 часот во Ургентниот хируршки центар, со 100% изгореници на површината на телото и во моментот е во критична состојба и е изложено на ризик за живот. Во моментот тој е во одделот за интензивна нега на Клиниката за анестезија, реанимација и интензивна нега“-велат од Ургентен центар, Скопје.

„Околу 11,45 минути ги примивме првите случаи. Првите симптоми беа знаци на паника кај пациенти, а не интернистички клинички знаци, за кој треба специфичен третман“-рече Вулнет Амети, доктор на тетовската болница.

Пожарникарите се сомневаат дека пожарот бил предизвикан од плинска боца, иако тоа не е потврдено во полицискиот извештај.

„Пожарот го зафатил станот на третиот кат. Бевме на обете страни на зградата, едниот тим работеше на локализирање на пожарот. Пожарот избувнал од плинска боца каде целиот стан со целиот мебел и апарати беше зафатен од пожарот. Успеавме да го лоцираме пожарот, но поважно беше да ги евакуираме жителите“-изјави Ука Алити, Тетовска противпожарна бригада.

Секторот за внатрешни работи во Тетово информираа дека надлежниот јавен обвинител заедно со полициски тим ја продолжуваат истрагата со цел да се открие причината за оваа несреќа.

Вјолца Алити