Ова овошје содржи и каротеноидни пигменти

Објавил: Македонка Димкин | 25 јуни, 2023 7:58

5 причини заради кои треба да јадете ЦРЕШИ

Фото/Текст извор: ©Убавина и Здравје

Онаму каде што времето е убаво, има и вкусни цреши. Ова црвено овошје, освен што е вкусно, богато е со витамини и минерали и на многу начини придонесува за здравјето и убавината.

Еве пет причини зошто оваа сезона треба да ги вклучите црешите во исхраната.

1. Полни се со антиоксиданси

Во споредба со многу други видови на овошје, црешите содржат поголеми количини на фитосоединенија, особено феноли. Исхраната богата со полифеноли може да заштити од многу болести, односно да го намали ризикот од нивна појава.

Ова овошје содржи и каротеноидни пигменти како бета каротен и витамин Ц, кои исто така имаат антивоспалителни и антиоксидантни својства.

2. Одлично за обновување на мускулите

Резултатите од истражувањето покажуваат дека антиинфламаторните и антиоксидантните соединенија во црешите можат да помогнат во ублажување на болката во мускулите предизвикана од вежбање. Студијата спроведена на 27 луѓе кои се занимаваат со трчање, покажа дека оние кои консумирале 480 мг цреши дневно десет дена пред полумаратон, во просек имале 13 отсто подобри резултати и имале помалку болки во мускулите од плацебо групата, пишува Healthline.

3. Тие се добри за срцето

Истражувањата покажуваат дека исхраната богата со овошје може да го намали ризикот од срцеви заболувања, а црешите се особено корисни поради нивната содржина на хранливи материи и соединенија, како што се калиум и полифеноли, кои го промовираат здравјето на срцето.

Околу 150 грама цреши обезбедуваат 10 отсто од дневната потреба за калиум, минерал неопходен за одржување на правилното функционирање на срцето и регулирање на крвниот притисок со отстранување на вишокот натриум од телото.

4. Го штитат видот и кожата

Друга добра причина зошто треба да јадете цреши е тоа што ова овошје е одлично за вашиот вид. Црешите содржат многу витамин А, а дел од овој витамин е бета каротен, кој го подобрува видот и ги прави вашите очи поздрави. Ретинолот е уште еден дел од витаминот А кој помага вашата кожа да изгледа здрава и свежа. Црешите содржат 20 пати повеќе витамин А од јагодите и боровинките, па зошто да не ги јадете почесто?

5. Поддржуваат губење на тежината

Освен што се вкусни и лековити, тие се добри и за чистење на организмот бидејќи најмногу се состојат од вода и содржат фруктоза и гликоза кои не дебелеат. Истражувањата покажаа дека зголемениот внес на вода во телото го зголемува нивото на енергија и помага во забрзување на метаболизмот. Многу луѓе ги користат плодовите богати со вода како црешите за да изгубат тежина.

Како и повеќето овошја, црешите се богати со калиум и малку натриум, што помага при излачувањето на водата од телото.

»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.

Останати вести од Здравје

Дијагнозата во типичните случаи лесно се поставува врз основа на податоците од родителот за тегобите на детето,прегледот на детето и рутински биохемиски иследувања(леукоцити и леукоцитна формула ).

Кога се зголемуваат лимфните жлезди?

Зголемени лимфни жлезди не се ретка појава. Може да бидат последица на обична настинка...

Според документите, мајката на екс економскиот директор на клиниката била заведена со дијагноза рак на бели дробови, за подоцна во истиот тој систем да заврши со дијагноза анемија.

Мајката на екс економскиот директор на Онкологија во систем била заведена со дијагноза рак на бели дробови, иако не била онколошки пациент

Мајката на поранешниот организациски директор на скопската Клиника за онкологија,...