Од неофицијални извори се дознава дека поранешниот министер за култура Роберт Алаѓозовски се обидел да ја опструира оперската претстава Турандот во која настапи Игор Дурловски.

Oд анонимни извори се дознава дека по објавување на фб статус на Игор Дурловски дека ќе настапи во оперската претстава Турандот во рамките на Мајските оперски вечери, Алаѓозовски се јавил во дирекцијата на Македонската опера и балет со барање да се повлечат билетите за претставата од продажба. Дирекцијата постапила по барањето на Алаѓозовски при што само 5 7 дена пред одржување на претставата, билетите не беа достапни ниту во билетарата на МОБ, ниту пак на интернет.

На заинтересираните љубители на операта, вработените на билетарата на МОБ одговарале дека билетите за претставата Турандот биле повлечени од продажба на барање на дирекцијата на МОБ.

Со намера да го деградира Дурловски, Алаѓозовски имал намера да донесе затвореници на претставата од затворите Идризово и Шутка. На неговата идеја реагирале дел од вработените, но и поради поради краткиот период во кој требало да ги организираат безбедносните мерки за гостувањето на затворениците, дирекцијата сепак се откажала идејата и повторно овозможила достапност на билетите за својата редовна публика.

По величествениот настап на Игор Дурлловски публиката ја прекина претстава за невообичаено долго време скандирајќи го неговото име во знак на поддршка за неговото враќање на сцената на Македонската опера и балет.