SKOPJE FRAMES претставува меѓународен фестивал на краток филм што се организира за прв пат и кој ќе се одржи во МКЦ (кино Фросина).

– Фестивалот се стреми да инспирира, унапреди и овозможи поддршка за креирање кратки филмови, особено во време кога пандемијата COVID-19 има значително влијание врз филмската индустрија. Како и споделување и зајакнување на заедничката желба и аспирации за уживање во кратки филмови – велат од МКЦ.

Програмата е составена од 12 кратки филмoви, кои ќе се прикажуваат денеска и утре во 18, 20 и 22 часот.

На фестивалот ќе бидат прикажани филмовите „Construct 42“ во режија на Никола Ангеловски, „Freight“ од Сава Живковиќ, „Winner“ од Семјуел Чован, „Apelul – The Call“ – Сефун Захариа, „Downfall“ – Бредли Коксер, „You know what I have nightmares about“ – Аглаја Филиповиќ, „Black and Faulty“ – Марко Џамбазоски, “Little One“ – Ана Андонова, „Mr. World“ – Јосип Трајкоски, „Aladdin’s Kitchen“ – Стефан Красиќ, „Deaflands“ – Бруно Велјановски и „Babush“ – Владислав Гавриловски.

Билетите се достапни само преку bileti.mkc.mk по цена од 100 денари.

Настаните ќе бидат реализирани по соодветен протокол, запазувајќи ги препорачаните мерки за заштита.