Обвинителот кажа дека не се изненадил од тоа што колегите го избрале за нов шеф на ОЈО ГОКК. Иако немал програма, вели дека постојано комуницирал со обвинители за им ја претстави неговата визија. Според него, начинот на кој бил избран преку непосредно гласање е токму за да биде отпорен на политички и бизнис влијанија, а како први приоритет ги најави екипирање на тимот во ОЈО ГОКК со нови обвинители, пополнување на празните места во Истражниот центар и дигитализација на обвинителството


По поминати околу една година како основен јавен обвинител во Кичево, во 2013 станува виш јавен обвинител во Гостивар. Работи околу пет години за потоа да стане и шеф на ова Вишо јавно обвинителство (ВЈО). По еден мандат на чело на ВЈО Гостивар од 2018 до 2022, Ислам Абази сега ќе се пресели на ново шефовско столче. Ќе ја наследи Вилма Русковска во Основното јавно обвинителство за гонење организиран криминал и корупција (ОЈО ГОКК) откако вчера со 66 гласа победи на непосредните избори на кои гласаа обвинителите од цела држава.

„Самите 66 гласаа кажаа за мојата кариера, за мојот професионален ангажман и за целокупното мое работење“,

вели Абази во коментар за брзиот напредок во кариерата.
Тој денеска за првпат излезе пред медиумите за да им заблагодари на колегите за довербата што ја добил откако претходно, барем за новинарите, важеше за непознат лик и не одговараше на повиците и прашањата во пресрет на изборите.


Неговото прво појавување предизвика и огромен интерес кај новинарите за кои неизбежно беше да го прашаат и дали има блиски релации со ДУИ и Али Ахмети, со кого потекнуваат од ист крај.


Голем интерес кај медиумите предизивка првото појавување на Абази како иден шеф на ОЈО ГОКК
„Не е точно. Јавнообвинителската функција е неспојлива со вршење на друга јавна функција или членување во политичка партија. Никогаш сум бил ниту сум член на некоја политичка партија. Ниту пак во моето досегашното работење сум оставил впечаток дека имам одредени релации или позиции со одредена политичка партија“,

рече Абази.
На прашањето дали се сретнале некогаш со Ахмети тој одговори дека „можеби и се сретнале“, но лични контакти нема ниту со него ниту со друг функционер од ДУИ.

„Дружењето со такви личности не е забрането, тоа е непристојно дружење, а не е дека не смее“,

вели Абази.
Пред новинарите тој се пофали дека во досегашното работно искуство учествувал и во разни групи за донесување закони, подзаконски акти, пишување коментари за закони итн. А, дали некогаш анализирал зошто во 20-годишно владеење на една политичка партија, конкретно ДУИ, нема ниту еден случај на корупција кај повисок функционер, тој одговори дека таквите дела не биле негова надлежност.


„Јас не сум направил таква анализа, не сум работел во тоа обвинителство и некои кривични дела не биле во моја надлежност и не можам да кажувам за тие кривични дела. Тоа ќе кажат колегите кои имале допирни точни со таквите кривични дела“,

вели Абази.
Начинот на избор на шеф преку непосредно гласање, според него, овозможува шефот на ОЈО ГОКК да не потпаѓа под никакви надворешни влијанија, ниту политички ниту од бизнис и лоби групи.

Обвинителот кажа дека не се изненадил од тоа што колегите го избрале за нов шеф на ОЈО ГОКК. Иако немал програма, вели дека постојано комуницирал со обвинители за им ја претстави неговата визија.

„Јас иако немав програма како дел од колегите што доставија програма, бев во постојана комуникација со јавните обвинители и им ја изложував мојата визија и програма како ќе биде и како ќе раководам со ова јавно обвинителство. Јас како обвинител сум почнал во ОЈО Кичево, потоа пет години бев јавен обвинител во Вишо и четири години сум раководител на тоа ВЈО Гостивар каде сме решавале голем број на сериозни предмети за сериозни кривични дела. Имајќи го предвид моето досегашно работно искуство, ми претставува предизвик да раководам со ова обвинителство“,

рече Абази.
За поддршката вели, говори и тоа што добил гласови од обвинители од сите подрачја во државата, а првото нешто што ќе го направи кога ќе ја преземе функцијата во ОЈО ГОКК е што ќе се запознае со состојбите во обвинителството и приоритет ќе даде на пополнување на празните места со нови обвинители, како и слободните места во Истражниот центар и воведување дигитализација.

„Освоените 66 гласа се голема одговорност за мене и мотив јас колку што можам подобро и професионално да раководам со ова јавно обвинителство кое е најважно бидејќи во својата надлежност ја има борбата против организираниот криминал и корупција“,

смета новиот шеф на ОЈО ГОКК.
Конкретни предмети не сакаше да коментира, ниту пак, да каже дали ќе преземе да ги води истрагите што досега ги водеше Русковска.

Неблагодарно е да коментирам за предмети, вели тој и додава дека прво ќе побара од колегите да го запознаат со сите предмети што се од интерес на јавноста, случаите каде е одредени притвор, како и старите и нерешени предмети.

Пред новинарите не сакаше да посочи ниту пример за предмет со кој работел досега бидејќи како што рече, денеска е тука да разговара за идниот ангажман, а за досегашното работење во Гостивар ги упати новинарите да се обратат до прес-службата на обвинителство. Кратко само посочи дека работеле на сериозни кривични дела во предмети каде била определувана и доживотна казна затвор.

Новиот обвинител: Дружењето со личности како Ахмети не е забрането

Обвинителот кажа дека не се изненадил од тоа што колегите го избрале за нов шеф на ОЈО ГОКК. Иако немал програма, вели дека...

admin@magazin / 8 ноември, 2022 17:11

Реков дека ДУИ има поставено стабилни структури кои можат да функционираат без Али Ахмети, без Блерим Беџети, без Муса Џафери, без Изет Меџити, ова е национална инвестиција и оваа национална инвестиција има силна основа и силна поддршка“, рече Ахмети

Ахмети за расколот во ДУИ: Без секого се може

Лидерот на ДУИ застана во одбрана на вицепремиерот Груби. Ден по писмото во кое 20 истакнати членови на партијата го обвинија...

Мате Парлоф / 25 септември, 2022 17:24

„Јас не се занимавам со економијата на семејството, колку пари кружеле… Добро е, дојдете еден ден кај мене дома, зборувајте со мојата сопруга“, рече Ахмети.

Ахмети не знае колку чини маслото за јадење: Зборувајте со сопругата, не се занимавам со економијата на семејството

Лидерот на ДУИ Али Ахмети во гостувањето во емисијата „Клик плус“ на ТВ21кажа дека самиот барал и од Специјалното јавно обвинителство...

Едмонд Бекири / 7 јуни, 2022 5:40

Добредојдовте на јубилејниот роденден на нашето заедничко семејство, Демократската унија за интеграција.

20-годишнината на ДУИ – Ахмети: Овој јубилеј е посветен на следните две децении, кој е подготвен нека се устрои зад мене

Демократската Унија за Интеграција денес во Скопје ја одбележа 20-годишнината од формирањето како политички субјект. На овој...

Едмонд Бекири / 5 јуни, 2022 18:17

Ништо ново, виден филм, со старо и некреативно сценарио, со чести реемитувања со различни актери

ПОРАНО СДСМ, ДЕНЕС ВМРО-ДПМНЕ, ИСТА КАМПАЊА, ИСТ НАРАТИВ, ИСТА СТРАТЕГИЈА СО ИСТА ЦЕЛ

Граѓаните се тие кои одлучуваат за судбината на политичките партии и ја одредуваат одговорноста за водење на државата согласно...

Перо Милчин / 27 март, 2022 13:02

На Али Ахмети му прекипе! Доста му е веќе и ВМРО-ДПМНЕ и СДСМ постојано (и со години) да ја обвинуваат ДУИ за вклученост на нејзини функционери и локални и државни раководители во криминали и корупции, да ги озборуваат пред меѓународната заедницa.

На Али Ахмети му прекипе!

„Цврстината“ на функционерските инсталации на ДУИ, во смисла на почитувањето на хиерархијата и координацијата, секогаш...

Рејхан Бајрами / 2 февруари, 2022 6:44

Ахмети рече дека таквите изјави не се според принципите и каузата на ДУИ.

„Таквите изјави не се според принципите и каузата на ДУИ“, рече Ахмети.

Претходно од Македонски Телеком се оградија од приватниот став на Дардишта.

Ахмети: Изјавите на Дардишта не се според принципите на ДУИ

Лидерот на ДУИ, Али Ахмети, денеска го коментираше „Фејсбук“ статусот на Шкодране Дардишта. „Се уште ги имаме чизмите на...

admin@magazin / 7 ноември, 2021 16:23

„Во првиот округ ДУИ освои три општини, Липково, Сарај и Пласница. Во вториот круг ДУИ победи во општина Струга, победи на изборите во општина Кичево, во општина Долнени, победи на изборите во општините Чаир, Боговиње, Теарце и во општина Арачиново“, рече Али Ахмети.

Али Ахмети призна: Ги загубивме Тетово и Гостивар

Лидерот на ДУИ, Али Ахмети, рече дека посакува изборниот процес да се одвива според сите очекувани стандарди и дека овој...

Рејхан Бајрами / 1 ноември, 2021 6:10