Во гостувањето на ТВ ПРВА, истакнатиот српски епидемиолог Предраг Кон и членна Кризниот Штаб на Србија, вели дека бројот на смртни случаи од ковид 19 е исполитизиран, и вели дека не би знаел да одговори на прашањето кому му одговара да го сокрие бројот на смртни случаи.

Тој посочи дека откако неодамна изреагирал на неусогласеноста на бројот на смртни случаи, веднаш има резултати, и истакна дема нема прикривање на собраните податоци, туку дека Кризниот штаб постапувал со релевантни податоци од Институтот „Батут“.

Кон истакна дека за периодот од март до јуни 2020 година, биле евидентирани 210 случаи во кои во потврдите за смрт било наведено дека непосредна или примарна причина за смртта е ковид-19. Кон посочи дека ги истражувал статистичките податоци за смртноста „од чиста љубопитност“ и воочил дека од март до јуни, само 118 смртни случаи биле пријавени во Градскиот институт за јавно здравје во Белград.

Имаше повеќе уверенија за смрт во кои како причина за смртта беше наведен коронавирусот, отколку пријавени лица“, потврди Кон.

Кон рече дека Институтот или Медицинскиот факултет, треба да направат ревизија и дека е важно во комисијата да има и лекари, како најавторитетни.

–Не можете да бидете сигурни во состојбата на работите без обдукција, аутопсиите не се вршат. Ревизијата е нешто што треба да се приближи до целосната вистина … Мислам дека (по ревизијата) нема да се срамиме од нашата позиција. Некои работи беа изнудени на самиот почеток, сега добро се снаоѓаме и поради мерките што доведоа до намалување на циркулацијата на вирусот- вели Кон.