Диего Марадона почина скоро сиромашен со оглед на тоа колку пари заработил во животот.

Поточно, со само 75.000 долари на сметката, но неговото богатство сепак е огромно во недвижнините.

Ја искористија неговата љубезност, некои дури и украдоа од него“, вели неговиот близок пријател Луис Вентура. “Вистина, тој имаше малку пари, но парите никогаш не му значеа ништо. Ниту, пак, ги носеше со себе, никогаш немаше повеќе од 100 евра во паричникот”, рече тој.

Анџело Писани, кој е адвокат на Марадона во Италија, вели дека должел околу 40 милиони за данок, како и дека ја тужел италијанската држава за околу 50 милиони, што наводно останал должен уште од времето кога играл во Италија.

На Марадона во Италија, даночните власти беа немилосрдни и му ја одзедоа обетката, а тој накит го купи на аукција за 35.000 евра Фабрицио Миколи, поранешен италијански репрезентативец.

Диего од Белорусија доби дури 20 милиони евра за да биде почесен претседател на Динамо Брест, а за големи пари беше и тренер на арапски клубови.

„Тој остави зад себе огромни недвижнини. Имено, тој имаше зграда и неколку станови во Буенос Аирес, шест луксузни автомобили, инвестиции во Куба и Италија, како и фудбалски школи во Кина.