Рестриктивните мерки ширум Европа доведоа до тоа владите на многу земји да даваат упатства на сите што носат костуми на Дедо Мраз да се држат на дистанца и да носат маски, објави Ројтерс.

Властите на Европската унија се обидуваат да им овозможат на граѓаните да го слават Божиќ во семејниот круг и да ги ублажат ограничувачките мерки дозволувајќи пет лица да бидат присутни во едно домаќинство за Божиќ, што повеќето Европејци го слават на 25 декември.

Многумина ќе ги откријат своите планови оваа недела и ќе размислат на кој начин ќе го слават Божиќ!

Белгискиот премиер Александар де Кроа е загрижен за третиот бран што може да следи, откако вториот започна да слабее.

Или ќе го прекинеме третиот бран за Божиќ или третиот бран ќе започне тој ден“, рече Де Кро, кој планира да слави само со сопругата и двете деца.

Белгиската влада дури му пишала на Свети Никола, односно како што го нарекуваат овој светец на Запад, Дедо Мраз, кој традиционално им дели подароци на децата на 6 декември.

„Дедо Мраз да држи дистанца, редовно да ги мие рацете и носи маска кога е потребно“, се вели во соопштението на белгиската влада.