Новиот вид на коронавирус што е откриен во Велика Британија може да биде поубиствен од другите варијанти на вирусот, изјави денеска британскиот премиер Борис Џонсон.

„Покрај побрзото ширење, постојат докази дека новиот вид е поврзан со поголема смртност“, рече “Џонсон на прес-конференција.

Вакцините што во моментов се користат во Велика Британија се исто така ефикасни против новата варијанта, рече Џонсон, нагласувајќи дека новиот вид е причината поради која британското здравство е под големо оптоварување.

На прес-конференцијата, главниот научен советник на британската влада, Патрик Воленс, потврди дека постојат докази дека новата варијанта на вирусот носи поголем ризик од смртност, објави Ројтерс.

„Ако земете, на пример, мажи на возраст од 60 години, просечниот ризик е дека од 1.000 пациенти, грубо кажано, 10 од нив за жал ќе умрат од вирусот. „Со новата варијанта, за 1.000 пациенти, според груби податоци, може да се очекува дека ќе умрат од 13 до 14“, рече Воланс.