Вчера на празникот 1-Мај, се случило тешко убиство, кога Скопјанецот С.И бил усмртен со секира од страна на својата сопруга.

Како што соопшти Министерството за внатрешни работи, вчера на празникот 1- Мај, скопјанецот С.И бил усмртен со секира од страна на својата сопруга. 

Во текот на вчерашниот ден околу 14.52 часот во СВР Скопје, П.И.(45) од с. Драчевица, скопско, пријавил дека го пронашол неговиот братучед С.И.(54) убиен со удари од секира. 

Според пријавеното, тој претходно ја видел Ф.И.(51)- сопруга на С.И. како со секира во рака излегува од куќата на нејзиниот сопруг.
Од Итната медицинската помош можеле да констатираат само смрт. Веднаш после немилиот настан полицијата стигнала на местото на настанот и во куќата на нејзините родители ја пронашле Ф.И.

Жената веднаш била приведена и задржана во Полициската станица Кисела Вода.
Телото на убиениот С.И. е предадено за обдукција во Институтот за судска медицина во град.

Изминатиот месец се случиле 3 тешки убиства, едно во Скопје, Тетово и Гостивар. Исто така се случија три убиства, две во Слупчане и едно во Рашче. Министерот за внатрешни работи, Оливер Спасеноски вели дека за 2019 година нема прецизна бројка на лица кои се убиени, туку статистика има само за 2018 година. Во 2018 година имало 18 убиства од кои само за едно има точен епилог.