Европскиот шампион и првак Вардар, со победа ја започна новата сезона во Лигата на шампионите.

Нашиот Шампион Вардар го победи француски Монпелје со 33:31, а на полувреме резултатот беше (16:17)

„Знаевме дека ќе биде тежок натпревар. Тоа беа два различни меча во еден. Противникот имаше навистина многу голови во првото полувреме, со наша лоша одбрана. Но, во вториот дел игравме далеку подобро и со реализација во финишот, па сигурно сум пресреќен со победата против тим како Монпеље“ – истакна Писонеро по мечот.

Разочаран беше стратегот на Французите, Патрис Канаје кој веднаш по натпреварот даде изјава.

„Честитки за Вардар. Беше неизвесен меч во кој можевме и ние да победиме, и и тоа ќе беше заслужено. Нашиот шут откажа во финишот од мечот и тоа пресуди. Загубивме и значаен играч на почетокот од натпреварот и ни спречи можност за ротација. Но видов многу позитивни нешта кај моите ракометари со оглед на тоа што игравме против европскиот шампион, и тоа ме радува за продолжението од сезоната“ – истакна тренерот на Французите.

Утре попладне (недела, 17 ч.) во салата „Боро Чурлески“ во Битола, екипата на Еурофарм Работник ќе дебитира во меч во Лигата на шампиони против Спортинг Лисабон.