Љупчо Георгиевски еден од основачите на ВМРО, во една изјава истакна дека револуционерот за кој Бугарија ја спори Македонија, дека Гоце Делчев бил директор и учител во бугарско училиште во Штип.
На прашањето на кое училиште во Штип, Гоце Делчев беше директор? Георгиевски вели дека одговорот е многу едноставен.
Гоце Делчев беше учител и директор во Бугарското училиште во Штип.
Тогаш немаше Македонски училишта, имаше Српски, Грчки Бугарски, е зошто Гоце Делчев избрал да биде директор во Бугарското училиште?
И не само Гоце Делчев, и Дамјан Груев, Ѓорче Петров, Никола Карев, Пере Тошев, сите тие беа учители на Бугарските училишта во Република Македонија.
Ние сами бегаме од некои работи кои се јасни ко два и два…- изјави вчера Љупчо Георгиевски.
Инаку пред само неколку дена по повод неприфаќањето на бугарската комисија за заедничко чествување на Гоце Делчев на датумот 7 октомври, министерката за надворешни работи на Бугарија, Екатерина Захариева, објасни дека Гоце Делчев е Бугарин односно дека самиот кажал што е по националност, а тоа го напишал десетина пати.
Министерката за надворешни работи на Бугарија, Екатерина Захариева, рече дека овој датум, кој ја одбележува годишнината кога Бугарија и ги предала на Македонија останките на револуционерот, за неа е сосема неприфатлив бидејќи, се поврзува со Коминтерната и со Тито.
Според Министерката за надворешни работи на Бугарија, предавањето на коските на Гоце Делчев, е едно од најголемите предавства кон Бугарија.
-Гоце Делчев самиот кажал што е по националност, односно Бугарин, тоа го напишал десетина пати. Се додека продолжуваат да ги едуцираат своите ученици со лажниот национализам, ништо нема да се смени. Поентата е да се почне промена во менталитетот – рече Захариева.
Извор: Сител.мк
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.